Friday 9 December 2011

ഒന്നു തൊടുവാന്‍ മോഹിച്ചുകൊണ്ട്‌


ലൈംഗീക മോഹങ്ങളുടെ കൊടുങ്കാറ്റുകള്‍ക്ക് ദിശാ ഭ്രംശമേല്‍ക്കുന്ന രാവുകള്‍.......... പങ്കാളികള്‍ കേവലം ഉപകരണങ്ങളായി പരിണമിക്കുന്ന പാശ്ചാത്യ സംസ്കാരത്തിന്റെ അധിനിവേശങ്ങള്‍........ സ്വയഭോഗ ഉപകരണങ്ങള്‍ പച്ചക്ക് വില്‍ക്കുവാന്‍ തയ്യാറെടുക്കുന്ന സൂപ്പര്‍ മാര്‍ക്കറ്റുകള്‍...സ്വവര്‍ഗ രതിക്ക് നിയമത്തിന്റെ സുരക്ഷിത പൂമെത്തകള്‍..... വിരല്‍ തുമ്പില്‍ ഇഷ്ടമുഖത്തിന്റെ നിഗൂഢതാ പ്രദര്‍ശനങ്ങള്‍.. മേല്‍ക്കൂരയില്ലാത്ത ഓലമറക്കും ക്യാമറ ഫെസിലിറ്റി...... കൗമാരത്തിന്റെ അകത്തുടിപ്പുകള്‍ക്ക് ബ്ലുടുത്തിന്റെ പിന്തുണകള്‍......! നമ്മുടെ ലൈംഗിക സംസ്കാരങ്ങള്‍ക്ക് ആഘാതങ്ങള്‍ ഏറുന്നു.
കരുത്തിന്റെ അശ്വമേധങ്ങള്‍ക്ക് കിതപ്പേറുന്നതിനാല്‍ ലൈംഗികോത്തേജന മരുന്ന് വിപണനവും തകൃതമാവുന്നു. എസ്സ്.എം.എസ്സുകള്‍ സജീവമായത്തോടെ പൈങ്കിളി സാഹിത്യത്തിന്റെ പ്രേതവും ദ്രവിച്ചുപോയി. മൃഗങ്ങള്‍ക്കൊപ്പം കിടക്ക പങ്കിടുന്ന പാശ്ചാത്യ സംസ്കാരം നമ്മുടെ നാട്ടില്‍ സ്വവര്‍ഗ്ഗ രതിയായ് മുന്നേറുന്നു. സ്ത്രീ വേശ്യകള്‍ സജിവമായിരുന്ന ചുവന്ന തെരുവുകള്‍ക്ക് മാര്‍ക്കറ്റിടിവ് സംഭവിച്ചു തുടങ്ങി. പുരുഷകാമികള്‍ ദിനം പ്രതി വര്‍ദ്ധിക്കുന്നു. പുരുഷന്മാരുടെ സീറ്റില്‍ ഒന്നിലധികം പുരുഷന്മാര്‍ക്ക് യാത്ര അരുതെന്ന് എഴുതിവെയ്‌ക്കേണ്ട സമയം കഴിഞ്ഞു.13 വയസ്സു മുതല്‍ പ്രായമുളള ആണ്‍കുട്ടികള്‍ക്കാണ് ഇന്ന് മുന്‍ഗണന. ഹോര്‍മോണുകള്‍ കുത്തിവെച്ച് പ്രായപൂര്‍ത്തിയെത്തും മുന്‍പ് ആണ്‍കുട്ടികളെ പകുതി പെണ്‍കുട്ടികളാക്കുന്ന മൃഗീയ സമീപനങ്ങള്‍ ഇന്ത്യയിലും വര്‍ദ്ധിക്കുന്നു.
ചോരയും നീരും വറ്റിയ ശേഷം അഴുക്കു ചാലുകളിലും മാലിന്യ കൂമ്പാരങ്ങളിലും വലിച്ചെറിയപ്പെടുന്ന വൃദ്ധ വേശ്യമാരുടെ ഗതിയും ഏറെ ദുഖകരമാണ്. മദ്ധ്യ വയസ്ക്കരാവുന്നതോടെ പുറത്തേക്ക്  വരാനാവാതെ ഈ ചാലുകളില്‍ ആണ്ടു പോവുന്ന സ്ത്രീകള്‍ തുടര്‍ജീവിതവും ഇവിടെ കഴിച്ച് കൂട്ടുന്നു.ഇവരില്‍ ഭൂരിഭാഗവും എച്ച്.ഐ.വി ബാധിതരാണ്.ഇതിനിടയില്‍ സംഭവിക്കുന്ന പിഴവുകള്‍ പല അനാഥ ബാല്യങ്ങള്‍ക്കും ജന്മമേകുന്നു. മുട്ടിലിഴയും കാലം മുതല്‍ ഈ കുഞ്ഞുങ്ങള്‍ ഉറങ്ങുന്നത് ഉണരുന്നതും മാംസ കച്ചവടം കണ്ടു കൊണ്ടാണ്. പിന്നെ അവരുടെ ശരീരം ഒരു പെണ്ണാകുന്നതിനു മുന്നമേ കാമയന്ത്രങ്ങളായ് പ്രവര്‍ത്തനം തുടങ്ങുന്നു. ഇത് വേശ്യാലയങ്ങളുടെ കണ്ണിര്‍ കഥകള്‍. ഇന്ന് സ്ഥിതി ഗതികള്‍ ഏറെ മാറി കഴിഞ്ഞു, സൈബര്‍ സെക്‌സാണ് ഇന്നത്തെ ട്രെന്റ്. ഫോണിലൂടെ ലൈംഗീക സംഭാഷണം നടത്തി തദ്ദവസരത്തില്‍ സ്വയംഭോഗം ചെയ്ത് സംതൃപ്തി നേടുന്ന രീതിയാണിത്. ഇന്‍ഡ്യന്‍ യുവത്വത്തിന്റെ ലൈംഗിക താല്‍പ്പര്യത്തില്‍ ഭൂരിഭാഗവും സൈബര്‍ സെക്‌സിനെ ഇഷ്ടപ്പെടുന്നു. സാങ്കേതിക വിദ്യ അവയവങ്ങളെ സ്പര്‍ശിക്കുന്ന, ഇലക്‌ട്രോണിക്ക് തരംഗങ്ങള്‍ രതി മൂര്‍ച്ചയേകുന്ന ഒരു കാലം  നമ്മുടെ വീടിനകത്ത് വാഴുന്നു.
ഫോണിലുടെ കൈവെപ്പ് കൊടുക്കയും ഭൂതത്തെ പുറത്താക്കുകയും ചെയ്യുന്ന സൈബര്‍യുഗ മിനിസ്ട്രി സഭയ്ക്കകത്തും സുശക്തമായിരുന്നു. അദൃശ്യ തരംഗങ്ങള്‍ ശാരീരിക മേഖലയെയും ആത്മീക മേഖലയേയും നിയന്ത്രിക്കുന്നു.... ""കാതോടടുപ്പിക്കുന്ന സെല്‍ഫോണിലുടെ ഒരു കൈ നീണ്ട് വരുന്നു.....'' നിങ്ങളെ സ്പര്‍ശിക്കാന്‍! അത് നമ്മെ കരവലയത്തിലാക്കുമോ?( കിസ്റ്റി പി. ജോണ്‍, പള്ളിക്കുന്നേല്‍)


No comments:

Post a Comment

please make the cooments and share