ഇരട്ടക്കുട്ടികള്‍ രണ്ടു വര്‍ഗ്ഗക്കാര്‍

ബര്‍ലിന്‍: ഇരട്ടക്കുട്ടികള്‍ തമ്മിലുള്ള സാമ്യം പലരെയും ചുറ്റിക്കാറുണ്ട്‌. എന്നാല്‍ ആരെയും കണ്‍ഫ്യുഷന്‍ അടിപ്പിക്കാത്ത ഒരു അപൂര്‍വ്വ ഇരട്ടകളുടെ ജനനം ജര്‍മ്മനിയില്‍ നടന്നു. കിഴക്കന്‍ ജര്‍മനിയില്‍ ജനിച്ച ഇരട്ട പെണ്‍കുട്ടികളില്‍ ഒരാള്‍ കറുത്ത വര്‍ഗക്കാരിയും മറ്റൊരാള്‍ വെളുത്ത വര്‍ഗക്കാരിയും. പത്തുലക്ഷത്തിലൊന്നു മാത്രം സംഭവിക്കുന്ന അത്യപൂര്‍വ പ്രതിഭാസമാണിതെന്നു ഗവേഷകര്‍ പറയുന്നു. ഇവരുടെ മാതാപിതാക്കള്‍ സങ്കരയിനമായതാണ്‌ ഈ പ്രതിഭാസത്തിനു കാരണം. ഡെന്റിസ്‌റ്റ് അസിസ്‌റ്റന്റായ ഗ്രിറ്റ്‌ ഫുങ്കെ എന്ന നാല്‍പ്പതുകാരിക്കും അവരുടെ നൈജീരിയക്കാരനായ പാര്‍ട്‌ണര്‍ക്കുമാണ്‌ അപൂര്‍വ ഇരട്ടകള്‍ ജനിച്ചത്‌. വെള്ളനിറമുള്ള പെണ്‍കുട്ടിയാണ്‌ ആദ്യം ജനിച്ചത്‌. പിന്നാലെ കറുത്ത പെണ്‍കുട്ടിയും. ഇവര്‍ക്കു നേരത്തേ തന്നെ ഒരു ആണ്‍കുട്ടിയുണ്ട്. വീണ്ടും കുട്ടികളെ ആഗ്രഹിക്കാതിരുന്നപ്പോഴാണ്‌ ഗര്‍ഭം ധരിക്കുന്നത്‌. അതില്‍ അപൂര്‍വ ഇരട്ടകളും ജനിച്ചു. വെളുത്ത കുട്ടിയ്‌ക്ക് ലിയോണി എന്നും കറുത്തയാള്‍ക്ക്‌ ലൂയിസ എന്നുമാണ്‌ പേരിട്ടിരിക്കുന്നത്‌. ആഫ്രിക്കന്‍ കുട്ടികളില്‍ കാണുന്ന സ്വഭാവ സവിശേഷതകളാണ്‌ ലൂയിസയിലുള്ളത്‌. കൂടുതല്‍ നേരം ഉറങ്ങുന്നു, വലിയ ബഹളം വയ്‌ക്കുന്നില്ല. ലിയോണി നേരേ തിരിച്ചുമാണ്‌. ജര്‍മനിയില്‍ ഇതുപോലെയുള്ള ജനനം മുന്‍പും നടന്നിട്ടുണ്ട്. ഒന്ന്‌ 2005 ല്‍ ലൈപ്‌സിഗിലും 2008 ല്‍ ബര്‍ലിനിലുമാണ്‌ സംഭവിച്ചത്‌.പോയ വര്‍ഷം ബ്രിട്ടനിലും ഇതുപോലൊരു ജന്മം നടന്നിരുന്നു.ഇരട്ടക്കുട്ടികളുണ്ടായതില്‍ കറുപ്പുകാരിയും വെളുപ്പുകാരനും.