ചാരിറ്റി ബോക്‌സില്‍ 1 കിലോ സ്വര്‍ണം!

ജീവകാരുണ്യ പ്രവര്‍ത്തനങ്ങള്‍ക്ക്‌ സംഭാവനകള്‍ നല്‍കുന്നത്‌ വളരെ നല്ല കാര്യമാണ്‌. ചിലര്‍ സംഭാവന നല്‍കുന്ന രീതിയും സംഭാവനകളുടെ വലുപ്പവും മറ്റുളളവരെ ചിലപ്പോള്‍ അത്ഭുതത്താല്‍ ഞെട്ടിച്ചുകളയും. അത്തരത്തിലൊരു സംഭാവന കൊടുക്കലാണ്‌ ബലാറഷ്യന്‍ നഗരമായ ബ്രെസ്‌റ്റിലും നടന്നത്‌. ബ്രെസ്‌റ്റിലെ ഒരു പലചരക്കുകടയില്‍ സ്‌ഥാപിച്ചിരുന്ന പളളിയുടെ ചാരിറ്റി ബോക്‌സില്‍ അജ്‌ഞാതനായ ഒരാള്‍ നിക്ഷേപിച്ചത്‌ ഒരു കിലോഗ്രാം ഭാരം വരുന്ന ഒരു സ്വര്‍ണക്കട്ടിയാണ്‌! സ്വര്‍ണക്കട്ടി മാത്രമല്ല അത്‌ ശുദ്ധമാണെന്ന്‌ തെളിയിക്കുന്ന സാക്ഷ്യപത്രവും അജ്‌ഞാതന്‍ ബോക്‌സില്‍ നിക്ഷേപിച്ചിരുന്നു! മധ്യവയസ്‌കനായ ഒരാളാണ്‌ സ്വര്‍ണക്കട്ടി സംഭാവനയായി നിക്ഷേപിച്ചത്‌ എന്നാണ്‌ കടയുടെ കാവല്‍ക്കാര്‍ പറയുന്നത്‌. ഇയാള്‍ നേരത്തെ സമീപത്തുളള ഒരു പളളിയുടെ കാവല്‍ക്കാരന്റെ കൈവശം സ്വര്‍ണക്കട്ടി സംഭാവനയായി കൊടുക്കാന്‍ ശ്രമം നടത്തിയെങ്കിലും അയാള്‍ അത്‌ വാങ്ങാന്‍ തയാറായിരുന്നില്ല. സ്വര്‍ണ്ണക്കട്ടിക്ക്‌ 50,000 ഡോളര്‍ വിലമതിക്കും.